Mae ein delweddau wedi’u creu i roi presenoldeb gweledol i’r brand y gellir ei adnabod ar unwaith ar draws pob pwynt cyswllt.

Gan ddefnyddio cyfuniad o gyfarwyddo celf, sgil dylunio, crefft ddigidol a chreu delweddau gyda chymorth AI, rydym wedi datblygu arddull nodedig wedi’i hadeiladu o amgylch haniaeth, awyrgylch a chreadigrwydd hardd. Yn aml, nid darluniadau llythrennol na thriniaethau ffotograffiaeth confensiynol ydynt. Mynegiadau gweledol o’r brand ei hun ydynt.

Mae’r delweddau wedi’u cynllunio i deimlo’n feiddgar, yn ymdrochol ac yn unigryw i ni. Mae ffurfiau organig, strwythurau llifol a chyfansoddiadau haenog yn gweithio gyda’i gilydd i greu iaith weledol sy’n fodern ac yn ymgysylltu’n emosiynol.

Meddyliwch amdanynt fel idents ar gyfer cwmni darlledu – maent yn agor ac yn cau rhaglenni trwy gydol y dydd gan atgoffa pobl pwy maen nhw’n ei wylio. Gall y rhaglenni unigol amrywio i gyd ond mae’r glud gweledol sy’n eu dal nhw at ei gilydd yn aros yn gyson.

Cysondeb yw’r allwedd

Mae cysondeb yn hanfodol i feithrin cydnabyddiaeth hirdymor. Dylai ein delweddau deimlo bob amser fel rhan o’r un teulu gweledol. Er y gall gweithrediadau unigol amrywio o ran cynllun, lliw, symudiad neu ystyr, dylai’r teimlad sylfaenol aros yn gyson.

Osgoi gosod golygfeydd yn llythrennol, triniaethau ffotograffiaeth sy’n rhy realistig neu ddelweddau stoc generig. Yn lle hynny, canolbwyntiwch ar haniaeth, siâp, gwead, golau a chyfansoddiad. Dylai manylion, rhythm a ffurf gael blaenoriaeth dros gynrychiolaeth uniongyrchol.

Dylai’r canlyniad deimlo wedi’i grefftio yn hytrach na bod yn addurniadol. Dylai fod yn drawiadol yn weledol heb ddod yn anhrefnus, ac yn fynegiannol heb golli eglurder.